“Huwag Kang Magturó”

“Huwag Kang Magturó”

Mateo 24:14

“At ang mabuting balitang ito ng kaharian ay ipangangaral sa buong tinatahanang lupa bilang patotoo sa lahat ng mga bansa; at kung magkagayon ay darating ang wakas.“

Parating na raw si Hesus?

Uzbek: Iso kim?

Arabic: من هو يسوع؟

Aserbaijani: İsa kimdir?

French: Qui est Jésus?

Punjabi: ਯਿਸੂ ਨੇ ਕੌਣ ਹੈ?

Chinese: 耶稣是谁？

Afrikaans: Wie is Jesus?

Indonesian: Siapakah Yesus?

Russian: Кто есть Иисус?

Thai: พระเยซูคือใคร?

English: Who is Jesus?

Filipino: Sino si Hesus?

Pwede ko ba Siyang makasalubong habang nagkakalakad?

Sa eskwelahan?

Sa tambayan ng magkakatropa?

Sa palengke?

Sa opisina?

Sa ospital?

Sa bahay?

Nasa simbahan ba Siya?

Nasa puso mo ba Siya?

Tok, tok, tok! Nandiyan ka ba, Hesus?

Hinahanap mo rin ba si Hesus?

Nahanap mo na ba Siya?

Ituro mo naman kung saan ko Siya makikita!

Sa pitong bilyon at apat na raang milyong tao sa mundo ngayon, apatnapung porsyento diyan, o anim na libo at anim na raang lahi pa. ILAN? Apatnapung porysento o tatlong bilyon at isandaang milyong katao… TATLONG BILYON AT ISANDAANG MILYON na hindi pa kailanman nakarinig ng kahit anong tungkol kay Hesus.

Tatlong bilyon at isandaang milyong tao na nabubuhay sa mundo ngayon

Ang ilan pa nga riyan, hindi na yata nabibilang sa census.

Yung iba namumuhay ng payapa, yung iba nasa gitna ng giyera, yung iba nagugutom

Yung iba mamamatay na lang ng hindi nakarinig ng kahit katiting na Salita ng Diyos

Ngayon magtataka ka kung bakit ganito ang lagay ng mundo?

Ikaw na buong pusong umaawit ng Lupang Hinirang

Ikaw na buong tapang na bumibigkas ng Panatang Makabayan

Ikaw na buong lakas na sumisigaw ng PUSO!!!

Sa dami ng problema ng Pilipinas

Tumiklop na ba ang ipinagmamalaking gilas?

Giyera rito, gutom diyan,

Panghuhusga rito, pambabastos dyan

Droga rito, traffic dyan

Nakakarindi na!

Ano bang solusyon dito?

Kapag tumulong ba ako sa mga gawaing pangkabuhayan ng iba, titigil ba ang giyera?

Kapag nagbigay ba ako ng pera sa mga mahihirap, hindi na sila magugutom?

Kapag sumali ba ako sa mga outreach program, mawawala na ang panghuhusga at pambabastos?

Kapag nag-organisa ba tayo ng mga church events, babalik na sa normal ang mga adik?

Bakit nga ba hanap pa tayo ng hanap ng sagot kung saan-saan?

Malinaw naman na sinabi sa Salita ng Diyos kung ano ang solusyon.

Ang tanong, binasa mo ba? (Efeso 1:9)

Ipinaunawa sa atin ng Diyos ang hiwaga ng kanyang kalooban ayon sa kanyang layunin na isasakatuparan sa pamamagitan ni Cristo

Nang minsan din Siyang tanungin ng isa sa mga disipulo Niya… (Juan 14:6)

Sumagot si Jesus, “Ako ang daan, ang katotohanan, at ang buhay. Walang makapupunta sa Ama kundi sa pamamagitan ko.

Iyan ang katotohanang hindi maipagkakaila.

Ngayon, kaibigan, kilala mo na ba si Hesus?

Pahayag 7:9

Pagkatapos nito'y nakita ko ang napakaraming tao na di kayang bilangin ninuman! Sila'y mula sa bawat bansa, lipi, bayan, at wika. Nakatayo sila sa harap ng trono at ng Kordero, nakadamit ng puti at may hawak na mga palaspas. ¹⁰ Isinisigaw nila,

“Ang kaligtasan ay nagmumula sa ating Diyos na nakaluklok sa trono, at sa Kordero!”

Tatanungin kitang muli.

Gaano ba katindi ang pag-aasam natin sa muling pagbabalik ni Hesus?

Ikaw, Kristyano ka ‘di ba?

Anong ginagawa mo rito?

Ano ang ambag mo sa mundong ito?

Eh ano namang magagawa ko?

Ikaw, ako, siya, tayong lahat

Sa atin makikita na ang Diyos ay sapat

Kaya ikaw na nakakarinig nito

Wag ka ng magturo

Sabi sa isang patalastas, “apat dapat”

May kulang, eh. Ito ang tama - Lahat dapat!

Mga kapwa ko Kristiyano,

Iparinig, ipakita, ipadama mo!

Ang Diyos natin ay buhay

Mahal Niya ang lahat pati ang mga walang kamalay-malay –

Silang nasa mga lugar na hindi pa nahahagip

ng mabuting balita tungkol kay Hesus na magbabalik mula sa langit.

Walang ibang pinagbilinan ang Diyos

Para matupad ang Kanyang dakilang layunin

Ikaw lang!

Ikaw lang!

Ikaw lang!

Huwag ka nang magturo

Dahil kada isang mong turo

Tatlo ang balik sayo!

-mcd